نرسل هذه الكلمات المعبرة إلي الشعب الفلسطيني الرابض في أرض المحشر، كلمات من نور وجهها إيلي شويري إلي الشعب اللبناني أيام الإحتلال الصهيوني لأرضه، نقولها لكل فلسطيني في ثورتك بأيدي عارية كرامة لكل من وحد بلا إله إلا الله و النصر آت، آت.....
قوم تحدى الظلم، تمرد
كسر هالصمت اللي فيك
يا شعبي اللي بارضه تشرد
قهر و احزان بيكفيك
كيف بعدك ساكت، و الهم
غرق عمرك دمع و دم
ارضك عم تندهلك. . ثوره
وينك؟!
وينك؟ عم بتناديك
قوم تحدى الظلم، تمرد
كسر هالصمت اللي فيك
قوم و حمل دمع بلادك
وقف عبواب الحكام
علق ورقه استشهادك على ايدين السلام
كيف بعدك ساكت، و بلادك صارت منفى للاحلام
و الحريه و عيد عيادك لبسوا اسود عالايام
ان ما رجعت الشمس بايدك
بكرا العتمه بتمحيك
وينك؟!
وينك؟ عم بتناديك
قوم تحدى الظلم، تمرد
كسر هالصمت اللي فيك
ليليه، بسمع ليليه اصوات ولاد مشردين
صاروا نار العبوديه بليل الناس الظالمين
وين ضمير الانسانيه؟ وين العدل؟ و وين الدين؟
حاجي نغني للحريه و كل العالم محبوسين
وحدا الثوره يا وطني عالحريه بتوديك
وينك؟!
وينك؟ عم بتناديك
قوم تحدى الظلم، تمرد
كسر هالصمت اللي فيك
كلمات: ايلي شويري
ألحان: ايلي شويري
غناء: السيدة الكريمة ماجدة الرومي
تاريخ: 1994